خبر های مهم
خانه / اجتماع / ځینې سیاسی بهیرونه د لویې جرګې جوړېدل د حکومت ټاکنیز کمپیاین بولی

ځینې سیاسی بهیرونه د لویې جرګې جوړېدل د حکومت ټاکنیز کمپیاین بولی

ځینې سیاسی بهیرونه د سولې مشورتی لویې جرګې ترسراوی د حکومت لخوا یو سیاسی خوځښت او ټاکنیز کمپیاین بولی.

بلخوا د لویې جرګې د جوړېدو کمېسیون یو غړی منی چې دا جرګه یوازې د سولې په مذاکراتو کې د مشورې ورکړې ونډه لری او په پای کې به ولسمشر پرېکړه وکړی.

د سولې او اعتدال ټاکنیزې ډلې غړې فوزیه کوفی وایی چې د سولې مشورتی لویې جرګې د ترسراوی لپاره د پنځه مېلیون ډالرو لګول په اوسنیو اقتصادی شرایطو کې د خلکو له بودیجې ناوړه استفاده ده.

د موج تحول سیاسی بهیر مشره او د سولې او عدالت ټاکنیزې ډلې غړې فوزیه کوفی وایی:«دا جرګه نه یوازې دا چې د سولې له بهیر سره مرسته نه کوی، بلکې دا یو ټاکنیز کمپیاین دی او د مشخصو نوماندانو په ګټه له دولتی سرچینو ناوړه استفاده ده.»

د موج تحول سیاسی بهیر غړی جواد میریار هم څرګندوی:«کله چې د دغې جرګې پرېکړې اجرایی نه وی او د دغو پرېکړو اجرایی کېدل په حکومت پورې تړلی وی، او د پارلمان په شتون کې له ۳۶۹ مېلیون افغانیو له لګښت سره د داسې غونډې جوړېدل د خلکو د سرچینو تالاترغۍ کېدل دی.»

د سولې د مشورتی لویې جرګې د جوړولو کمېسیون غړی داوود کلکانی منی چې جرګه یوازې له طالبانو سره د سولې خبرو د چوکاټ په هکله حکومت ته مشوره ورکوی.

د لویې جرګې د جوړولو کمېسیون غړی داوود کلکانی وویل:«کابو دوه نیم زره تر درې زره کسان له ټول هېواده راټولېږی د افغانستان بهرنی ګډوال هم راټولېږی طبعاً هغاوی تمه لری چې افغان حکومت، د افغانستان ولسمشر د هغوی مشورې په پام کې ونیسی.»

یو شمېر حقوق پوهان د مشورتی لویې جرګې جوړول د قانون پر بنسټ نه بولی.

حقوق پوه روح الله سخی زاده په دې اړه څرګندوی:«د افغانستان لویه جرګه د هېواد تر ټولو عالی جرګه ده چې پرېکړې یې قانونی ځای لری خو که‎چېرې د مشورې په توګه وی دا ډول څیز قانونی ځای نه لری.»

د لویې جرګې جوړونکی کمېسیون د طرحې او پروګرام له مخې له ټول هېواد او د افغانستان له بهر څخه به ۲۵۰۰ کسان په دغې جرګه کې ګډون وکړی او د جرګې د ګډون‎والو عُمر باید له ۲۳ کلونو لوړ وی.

ځینې سیاسی بهیرونه د لویې جرګې جوړېدل د حکومت ټاکنیز کمپیاین بولی

درباره‌ی خبرگزاری عقاب

عقاب؛ بیانگر آرمان های دینی، فرهنگی، سیاسی و اجتماعی شماست.

جوابی بنویسید

ایمیل شما نشر نخواهد شدخانه های ضروری نشانه گذاری شده است. *

*

شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>